4 բույս, որոնք կօգնեն ամրապնդել իմունիտետը. news.am

Որոշ բույսեր կարող են օգնել ամրապնդել իմունիտետն ու լավացնել ինքնազգացողությունը, եթե, իհարկե, հակացուցումներ չկան: Ստորեւ ներկայացված են բույսեր, որոնք օգտակար են իմունային համակարգի համար:

Հացահատկի ծիլեր

Հացահատկի ծիլերը պարունակում են շատ ցինկ, որը կարեւորագույն դեր է կատարում իմունիտետի ամրապնդման ու առողջության պահպանման համար: Շատ մասնագետներ խորհուրդ են տալիս սննդակարգում ներառել հացահատկի ծիլեր կամ ծլեցված հացահատիկով ջուր: Կարելի է այդ ծլերի խտանյութն օգտագործել նաեւ տարբեր կերակրատեսակների մեջ:

Կիտրոնախոտ

ԿԻտրոնախոտից պատրաստված մեկ բաժակ տաք թեյը կօգնի օրգանիզմին պայքարել վարակների դեմ ու ամրապնդել իմունիտետը: Կիտրոնախոտի մեջ կան եթերային յուղեր, որոնք ո՛չ միայն հակաօքսիդանտային հատկություն ունեն, այլեւ լավացնում են նեյտրոֆիլների, լիմֆոցիտների ու իմունային բջիջների մակարդակը, նաեւ նպաստում էրիթրոցիտների գոյացման գործընթացին:

Ժենշեն

Ժենշենը կանոնակարգում է իմունային բջիջների՝ մակրոֆագների ու Т-բջիջների գոյացման ու զարգացման գործընթացը: Ժենշենը նաեւ օգնում է վերահսկել բորբոքային արձագանքը ու պայքարել վարակների դեմ:

Ocimum tenuiflorum (ռեհանի տեսակ)

Այս բույսը խթանում է իմունային բջիջների արտադրությունն ու նվազեցնում օրգանիզմում վարակի տարածումը: Այդ տերեւները խորհուրդ են տալիս ծամել դատարկ ստամոքսին, եթե, իհարկե, որեւէ հակացուցում չկա:

Հիշեցնենք, որ նույնիսկ բուսական միջոցները ոչ միշտ են անվտանգ օրգանիզմի համար ու, եթե վստահ չեք, որ կարելի է օգտագործել այս կամ միջոցը, պարտադիր խորհրդակցեք բժշկի հետ: Ավելին, եթե հաճախ եք հիվանդանում ու թույլ իմունիտետ ունեք, խորհրդակցեք բժշկի հետ:

Հարցեր, պատասխաններ, մեկնաբանություններ